ڕێنماییەکان بۆ ناوی پەڕەکانی فەیسبووک

لەبەرگرتنەوەی بەستەر

دەبێت ناوی پەڕە بە دروستی ڕەنگدانەوەی پەڕەکە بێت وپەیڕەوی ڕێنماییەکانی ناولێنان بکات. لەبیرت بێت تەنیا نوێنەری ڕێگەپێدراو دەتوانیت پەڕەی براند، شوێن، ڕێکخراو یان کەسێکی ناودار بەڕێوە ببات.

باشترین شێوازەکانی ناوی پەڕە

با ناوی پەڕەکە سادە، دیاریکراو و لە ڕووی ڕێزمانییەوە ڕاست بێت تا بە شێوەیەکی دروست ڕەنگدانەوەی ئامانجی پەڕەکەت بێت. بۆ نموونە: قاوەی قەزوان، زێڕنگەری ئەستێرە یان دایەنگەی دایەن.

ناوی پەڕە نابێت ئەمانە لەخۆ بگرێت

ئەو زاراوە یان دەربڕینانەی دەشێت گێچەڵ بن یان پێشێلی مافی کەسێک بکەن.

وشەی ‹Official› ئەگەر پەڕەکە پەڕەی فەرمیی براند، شوێن، ڕێکخراو یان کەسێکی ناودار نەبێت.

بەکارهێنانی نەگونجاوی پیتی گەورە (نموونە: tHe best CaFE). دەبێت ناوی پەڕە بە شێوەیەکی ڕێزمانیی دروست پیتی گەورە بەکار بهێنێت و نابێت هەموو ناوی پەڕەکە بە پیتی گەورە بێت، تەنها بۆ کورتکراوەکان نەبێت.

هێماکان (نموونە: ®) یان خاڵبەندیی ناپێویست.

وەسفکردن یان دروشم (نموونە: باشترین قاوەخانە - ئێمە خاوەنی باشترین قاوەین لە شارەکەدا). ئەو کەسانەی پەڕەکان بەڕێوە دەبەن دەتوانن ئەم زانیارییە زیاد بکەن بۆ بەشی دەربارەی پەڕەیەک.

هەر شێوازێکی ناوی «فەیسبووک» (وەک ئاماژەدان بە بەرهەمەکە)، «Meta» (وەک ئاماژەدان بە کۆمپانیاکە) یان هەر یەکێک لە بەرهەمەکانی کۆمپانیای Meta.

ناوی پەڕە ناکرێت پێک بێت لە تەنیا

یەک وشەی گشتی (نموونە: پیتزا) دەبێت پەڕەکان لە لایەن نوێنەری فەرمیی ئەو مژارەوە بەڕێوە ببرێن کە دەربارەیەتی، تا بەدوور بن لە ناوی هەر پەڕەیەک کە زۆر گشتییە.
شوێنی جوگرافیی گشتی (نموونە: نیویۆرک). بەڵام، دەتوانیت ناوی پەڕەیەک دروست بکەیت بۆ ڕێکخراوێک کە نوێنەرایەتیی شوێنێکی جوگرافی دەکات. بۆ نموونە، «شاری نیویۆرک - نووسینگەی پارێزگار» و «شاژنە ئیلیزابێسی دووەمی بەریتانیای مەزن» ناوی قبووڵکراوی پەڕەن. دەشتوانیت ناوی پەڕەیەک بەکار بهێنیت کە جیاوازە لە ناوی ڕێکخراوەکە بەو مەرجەی ناوەکە بە وردی گوزارشت بێت لەوەی کە پەڕەکە دەربارەی چییە (نموونە: «گەشتیاریی ئێرلەندا» دەکرێت پەڕەیەکی هەبێت بە ناوی «ئێرلەندا بگەڕێ»).

فێری چۆنیەتی ناردنی داواکارییەک ببە بۆ گۆڕینی ناوی پەڕەکەت.